منشورات شعبية.. فكره جديدة
كلنا أكيد وصله الورقة التى تقول كلام غير واضح عن رؤية امام المسجد النبوى والذى يتوعد من لم يصور الروقة لعدة نسخ احيانا تكون عشرة واحيانا عشرون ومن ينسخها سيلقى الخير ومن يهملها يجد الشر ويضرب الامثال بمن فاز بمال لانه صورها ومن فقد حبيب لانه اهملها
وبالطبع هذا دليل لجهل مجتمعنا ولا اريد مناقشة هذا الأن
المهم ان هذه الورقة سريعة الإنتشار وهو ما ترتكز علية فكرتى
منشورات شعبية
ما رأيك لو كتبت ورقة صغير فى خمس او عشر أسطر توضح فيها حجم الفساد والإفساد الجارى فى مصر أذكر فيها اعداد مرضى لاسرطان اذكر فيها نسب تلوث المياة اذكر فيها المعتقلين اذكر فيها الخبز المسرطن اذكر فيها كل المساوئ
وطالب من يقراها لو كان يحب بلده لو كان يحب ولاده ويتمنى أن يكون مستقبلهم افضل ان ينسخ هذه الورقة لعشر نسخ ويوزعها على اصدقائه واقرابه
ستنتشر الورقة بشكل مذهل ومعها افكار اكثر
جرب ستجد ما يسرك
21 تعليقات:
ان كنت تؤمن بهذه الفكرة فعلينا ان ننشر ما يصلح حالنا وليس مآسينا التى يعلمها الجميع بحكم معايشتهم لها , لهذا أدعوك للاطلاع على هذه المبادرة وعمل ما تراه مناسبا ان اقتنعت بها .
ولك تحياتى
http://www.mobadrtalekhlas.blogspot.com
مش عارفه ليه عجبتني الفكرة لكن بعدها افتكرت ان الناس بتنشر الورق ده لخوفها من وقوع العقاب الالهي عليها وهو زي ماقولت فقدان حبيب او سقوط او فشل
بس لو وقعت في ايديهم ورقة زي المنشورات الشعبية دي اول حاجة هيعملوها انهم هيخبوها او يرموها خوفا من العقاب المباركي
مش عارفه ليه بقيت احس ان الناس بتخاف من النظام اكتر ما بتخاف من ربنا
طيب ماذا لو استخدمناها لوسيلة أخرى، مثال:
هل تعلم أخي أن المسجد الأقصى في خطر، نعم، الأقصى في خطر، هل تعلم أن الصهاينة عما قليل سينجحون في هدم الأقصى، نعم، أولى القبلتين وثاني المسجدين، وثالث الحرمين الشريفين سيهدم، هل يرضيك هذا أخي الكريم؟ ماذا ستقول للرسول الكريم يوم القيامة؟
أرسلها لعشرة أشخاص، واطلب منهم أن يفعلوا شيئا واحدا على الأقل لصالح المسجد الأقصى، حتى ولو كان دعاء...
هل تعتقدون أن هذه الرسالة ستنتشر مثل تلك؟؟؟؟؟؟؟؟؟؟؟؟؟؟
يا اخ عبد الله الغرض ليس نشر الماسى التى يعلمها الجميع الغرض هو اشعار الناس بحجم هذه الماسى والمستقبل الذى ينتظرهم ومن ثم الوصول لحل ونشر الوعى
وباذن الله نفكر معك فى مبادرتك
غصن الزيتون
انا معك فى ان الناس الان تخاف الحكومة والامن اكثر من خوفها من الله
والشواهدة عدة ليس اخرها كثرت كليبات الجنس المصرية على هواتف الشباب
لكنها لو صيغت باسلوب بسيط لن يخافها احد
لما لا نجرب ؟
صوت فلسطين
هذه الفكرة بوتقة تحمل كل قضايانا
المهم ان ننفذ
والله لو نعمل كدة زى ما بنعمل للجهل والخرافات ليتغير حالنا
تحياتى
أخ وليد
إنت مفكر إن الناس لما تقرأ الورقة اللى إنت مقترح تعملها مكمن تفكر لحظة إنها تنشرها ؟
بص يا أخ وليد
الشعب المصرى خلاص وصل لحالة من السلبية التى لا تطاق
" اللهم الإ من رحم ربى "
فكره كويسه بس هيمسكوك ويقفلولك المطبعة ومكتب التجهيزات الفنية والعيال تتشرد ويبقي صباح التغيير فعلا
وايه اللى هيحصل بعد ما نصور الورقه ونوزعها هو احنا بنقول حاجه جديده مهى كل الناس عارفه اللى مكتوب فيها
بس هاقولك ايه النتيجه
الورقه دى بعد ما تتوزع بالالافات كل الناس هترميها "ولان احنا شعب محترم" كله هيرميه على الارض وتكون النتيجه مصر على عرش من القمامه
وكمان عشان احنا شعب متدين فاللى هيكتب الورقه لازم يبتديها ب"بسم الله الرحمن الرحيم"وعشان احنا هنكسل نشيل الورقه لحد ما نوصل البيت ونحرقها
برضه هنرميها وكل الناس هتدوس عليها
يبقى احسن ان كل واحد خليه ساكت وعارف كل حاجه لوحده
هيا فكرة جديده بس فيه سؤال بحيرني لما اشوف مثل تلك الورقه وهو ايه الهدف معلش انا من المقتنعين بان كل الكلام ده كلام فارغ واشد قناعه بأن من قام بعمل تلك الورقه في بادئ الامر هو اكثر اقتناعا مني بتلك الفكرة... بس مش عارف
طيب والله فكرة .. .
بس ياتري نكتب فيها إيه؟؟
نكتب عن ... العبارة ولا القطر ؟؟ عن الرشاوي والوسايط ؟؟
نكتب عن ولاد الوزراء والدكاترة ؟؟ ولا اساسا نكتب عنهم هم؟
نكتب عن الحكومة ولا الأحزاب .. عن شيخ الأزهر ولا شيوخ السلطان ....ولا نكلم عن إعلام صفوت بيه سابقا .. وأنس باشا حاليا؟
الفساد ولا البيع ولا التوريث ولا العمالة ؟؟؟
حيرتنا معاك يا عمنا ....
أقولك إحنا نوزع الورقة فاضية والناس تتصرف .. كل واحد ينشر بلاوه ؟؟
إيه رأيك؟
الفكره موجوده اصلا منذ القدم ولكن بشكل مختلف عما تطرحه..ايام الاحتلال كانت توجد المنشورات وايام جمال عبد الناصر والسادات ولكن دون عقاب لمن لم ينشرها كما هو الحال لهذه المنشوره الدينيه اما الان حكم الحديد والنار جعل الناس يخشون من كلمه السياسه ويخافون حتى من مجرد حروف هجائها...
اخى الفاضل السلبيات موجوده موجوده لاتحتاج الى نشرها ..على عينك يا تاجر..النظام وصل الى درجه عدم الخوف واللامبالاه من اى صوت ومن اى حزب ..اللى يقف فى طريقهم المطبخ موجود..مطبخ القوانين,..التى اثقلت عاتق المصريين وزجت بالاف الى السجون
الافضل نشر الوعى الانتخابى حتى نختار من نريد نشر القوانين المنظمه لتعامل الشرطه مع المواطن حتى لايرتعب الناس لمجرد رؤيه اى سياره للشرطه
يا جماعة الغرض ليس فضح المشاكل فالكل يعرفها طبعا
لكن الغرض تحريك الماء الراكد وايجاد حلول
وتنشيط ذاكرة المصريين التى تتصالح مع لافساد وتعتبره عادى
جزاكم الله خيرا جميعا على التعليق
الاخ وليد
ادعوك الى التكرم بزياره مدونتى وابداء رايك فيها
وخاصه موضوع انشاء حزب الكترونى
وشكرا
fekra gamda fe3ln bs meeen ysma3 visit me plz agmd-blog.blogspot.com
السلام عليكم ورحمة الله وبركاته
الحمد لله رب العالمين بدأت عالم التدوين
واللهم افتح بها وبي لأمتنا
ومنتظرين حضراتكم
وياريت تاركونا وردنا الجماعي على……..
www.ana-moslema.blogspot.com
والله يا حبيبى معتقدش ان الحكايه دى حتنفع عارف ليه ؟
الورقه اللى انتشرت بسرعه فيها وعيد ان اللى مش حينشرها حيجرا له و حيجراله
ما بالك بقى انت كاتب ورقه فيها مساوىء حكم وكلام الناس اصلا بتخاف منه هو حيقول فى نفسه انا لو نشرت الورقه دى فعلا حيجرالى
بس حيجرالى ايه
حيجرالى بلاوى
لا يا عم وانا مالى خلينى جنب الحيط
هو ده اللى بيقول وهو ده اللى بيخوف
على العموم هى فكره كويسه و تستحق التجربه
تحياتى
اه بجد عندك حق .بردو فى مستجات تجيلك على الميل ونفس الموال.والله عمرى مفكرت أقراها .بقفلها على طول.اصلها مش نقصه.
أزال أحد مشرفي المدونة هذا التعليق.
الفكره قديمه من أيام سعد زغلول
و ما تنفعش النهارده
النت قايم بالواجب و زياده
موفقيييييييييين .... اختيار موفق :)
Räumung
Räumung Wien
entsorgung wien
8.دهب ... بوابتك نحو النهضة. شارك فى نهضة ونمو الحركة الإقتصادية فى بلدك. اجعل شركتك إحدى الشركات الرائدة فى مجال دفع عجلة النمو الإقتصادى. كل ذلك وأكثر يمكنك تحقيقه من خلال أقوى فريق عمل مصرى تزودك به شركة دهب. دهب ... شركة التوظيف الأفضل على الإطلاق.
إرسال تعليق
الاشتراك في تعليقات الرسالة [Atom]
<< الصفحة الرئيسية