وصلة النت وأصالة الشعب

كنت متعود أدخل النت من السيبر.. متفق مع واحد بيحاسبنى أرخص وتمام.... قلت أجيب وصلة فى البيت... من سيبر قريب من البيت.. جبت الوصلة..... كل شوية النت يفصل...

خير يا عم

أصل المسافه كبيره فأحنا حطين الكابلات كلها فى محل أحذية وصاحب المحل بيقطع الوصلات غلاسه

ليه يا عم

اصله راجل طماع مش عاجبه الفلوس اللى بندفعها

كام يا عم

خمسه جنيه فى الشهر

ههههههههههه

المهم انا روحت للرجل بنفسى

قلت له انا هدفعلك خمسه جنيه فى الشهر وبلاش تقطع الوصلات

فرح طبعا وبعد ما وضع الخمس جنيهات فى جيبه قال: انت وصلتك رقم كام عشان مخلعهاش

قلت معرفش

قال متقلقش انا هروقك

ومن وقتها والنت عندى تمام

و يحيا شعبنا المتعاون