السبت، أغسطس 06، 2005

ممتاز القط بينونو

اتضح يا جماعه
ان كفاية المتوحشيين هما الذين اعتدوا على القوات الخاصة وفرق الكاراتية
شوف الرابط ده وبص على الصور بعينك
هتلاقى ان الضابط بيضرب وكل اللى حواليه ساكتين يا يعنى
اصل بتوع كفاية ايديهم طرشة
ربنا على الظالم وينصر ضباط امن الدوله والامن المركزى والقوات الخاصة وفرق الامن العام وفرق الكاراتيه وفرق مكافحة الشغب وفرق المليشيات ( اللى بيلبسوا مدنى ) والاخوة بتوع الصوابع الوسطى والعشرين جنيه
وكذلك المخبرين الخ
ينصرهم
على محمد عبد القدوس بطل المصارعه المفترى
وعلى اسحاق القيادى فى تنظيم القاعده
وعلى ابوالعلا ماضى المقاتل المحترف
وغيرهم من جبابرة كفاية المتوحشين
و يحيا ممتاز القط رئيس مراجيح اخبار اليوم المستقله
والف رحمة على مصطفى وعلى امين

4 تعليقات:

في 3:44 ص , Blogger 0xDEADBEEF يقول...

حد قاللك تقرى جرايد الحكومة, ثم بذمتك هي أخبار اليوم دي جريدة تتقري أصلاً. أنا عن نفسي مابشتريش غير الأهرام علشان فيها مقالات (وليس أخبار)تستاهل تتقري بصراحة.

تحذير: الجرائد القومية تتسبب في ارتفاع ضغط الدم و المداومة على قرائتها قد تؤدي الى اختلالات نفسية و عقلية

و السلااااااام

 
في 1:40 م , Anonymous who walks alone يقول...

السلام عليكم
انت شكلك معارض و مش عاجبك الحال
هاتوه


الاهرام فيها مقالات؟
انا شخصيا بشتريها يوم الجمعة عشان الاعلانات (مغرم اعلانات) و حجمها كبير ينفع تلف فيه اى حاجة.

 
في 4:26 م , Blogger 0xDEADBEEF يقول...

ما هو ده سبب تاني بيخليني أشتري الأهرام :)

 
في 10:29 ص , Blogger ارحم دماغك! يقول...

ياجماعة بالراحة عالراجل..
الراجل يقطع نفسه يعني؟..لازم عشان ياخد معاه حاجه يقراها فالحمام تكون حاجه مناسبة لجو الحمامات..

خربانة..ياريت بس تبقى تشغل مروحة الشفط!

 

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية