السبت، أكتوبر 28، 2006

ولا عادش فيه

ولا عادْش فيه
راجل عشان أتحامى فيه
ولا عادْش فيه
غير الغُراب الليِّ صحي باللِّيل عشان الجوع ماليه
ولا عادْش فيه
جوَّا البيوت إحساس دفا نِتْغَطَّى بيه
ولا عادْش فيه
برَّا البيوت شارع نضيف هنعدي ليه
ولا عادْش فيه
غير بندقية مِدَشْدِشَه على راس بلد ميت حاميه
ولا عادْش فيه
غير الضوافر تِنْهَشْ اللحم اللي منها وهيه فيه
ولا عادْش فيه
غير الحكاوي والغناوي في قلب حاوي ومين حاويه
ولا عادْش فيه
وقت الأدان غير الأدان بقلوب ورق ردت عليه
ولا عادْش فيه
غير الخُطبْ زي الحَطبْ يِنْقاد ويطفى ومُِّنه فيه

5 تعليقات:

في 1:58 ص , Blogger لا أحد يقول...

بجد تحفة عبقرية متعة انتقاء الكلام ذو موسيقي داخلية

متمكنة

 
في 9:31 م , Blogger aleskandrany يقول...

السلام عليكم

قريتها قبل كدة طبعاً

أنا بس حبيت أقولك مبروك على المدونة فى ثوبها الجديد

 
في 7:19 ص , Blogger yasser shams aldien يقول...

مدونتك جميله فعلا

 
في 2:14 ص , Blogger منة الله يقول...

http://mrsneveen.jeeran.com/wl3dshfi.jpg
تصميم اهداء للاميرة رشا
الموهبة التى تؤتي ثمارها كل حين

 
في 10:18 ص , Anonymous umzug يقول...

مدونة مميزة جدا
umzug
umzug wien
umzug wien

 

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية