الجمعة، سبتمبر 08، 2006

ضربة شمس.. وصمة سيئة على صفحات الدستور

خالد كساب.. لا يكتب إلا عن البوسه والشفايف..ده فى الشخبطة اللى بيكتبها بتوقيع ( أنا )لازم تلاقى بوس وشفايف...
المهم يعنى صفحة ضربة شمس تحولت لساحة من الخزعبلات والسفاهات والترهات وكل ما يمكن ان نصفه تفاهات إلا من رحم ربى شخصيا أحب الدستور جدا جدا كجريدة محترمة ( بوجهة نظرى )لكننى أرى أن الحديث عن الملابس الداخلية وعن حرية العلاقات قبل الزواج وكثيرا من الموضوعات الغير منطقية- ( لحنان الجوهرى كمثال ) وغيرها من محررى الصفحة -أرى أنها إسفاف ولعب عيال وكلام فارغ لاأتكلم عن العناوين أنا أتحدث عن المضمون
وبعد المقال المسروق الذى أعتذرت الدستور عن نشره يبدو أن خالد كساب ينشر دون مراجعة دقيقة
أتحدث كقارئ ربما لا يتفق معه أحد لكن للأسف هذا رأيى
صفحة ضربة شمس
صفحة أشبه بصندوق القمامة
مع كامل أحترامى للأستاذ وليد طاهر

27 تعليقات:

في 12:50 ص , Anonymous غير معرف يقول...

اللى يرفض الاسفاف والكلام اللى مالوش لازمه بدعوى الحريه والانفتاح والكلام والفارغ يبقه صح يا محمد
للاسف دا حال كتاب كتير والاسم مثقفين
وللاسف فى كتير من القراء بيجاروهم وبيتبنوا افكارهم باسم الثقافه برضه
واعتقد ان كان فى وقت بيطلق فيه على الافلام الاباحيه ثقافه يمكن صدفه
بس صدفه فى الجون
واللى بينادوا بحرية الصحافه لو تمثلت فى مثل هذه المواضيع والافكار يبقه نقول على حرية الصحافه السلام
شكرا يا محمد على اتاحه الفرصه
واسف على الاطاله

 
في 1:54 ص , Anonymous غير معرف يقول...

نسيت اقول حاجه
هو ليه ميكونش فى قانون يجرم اى صحفى يدعو فى كتاباته للانواع دى من الافكار
دا بيدمر مجتمع كامل مش بيتعرض لسياسة بلد او شحص بعينه لاء دا مجتمع شعب يعنى بس طبعا الحكومه شايفه ان الشعب واعى وعارف مصلحته يعنى عارفه انه ميضحكش عليه فسيباه يقرا ويسمع ويتفرج وهو ودماغه بقه يعمل اللى عايزة مدام بعيد عنها
ياريت من هنا تكون فى دعوه لعمل قانون زى دا
شكرا مره تانيه يا محمد
والله الموفق

 
في 9:50 م , Blogger free soul يقول...

i agree with you that this page was soooo much over for the last week, i am not much keeping up with it for the past time but the last week i got my blood pressure moving up while reading !!

 
في 7:42 م , Anonymous غير معرف يقول...

yes yes

 
في 8:34 م , Blogger hakonamatata_604 يقول...

الحمد لله مش لوحدى اللى لاحظت ان دى تجاوزات..بس نقول ايه بقه؟ حرية الصحافه!
حرية الصحافه فى فلسفة الشفايف
لكن لا حريه للصحافه فيما يختص بالمطالبه بالشفافيه

 
في 9:48 م , Anonymous غير معرف يقول...

فعلا صفحه وسخه بس فيه احيا نا كويسه

 
في 6:32 م , Anonymous غير معرف يقول...

هو ليه يا صاحب الخربانه مش بتتفاعل مع الاخوه اللى بيعلقوا على المواضيع

 
في 12:34 ص , Blogger وليد يقول...

بتفاعل والله
لكن انا شايف ان الردود كلها لا تحتاج لتفاعل
يعنى ممكن ميكونش عندى رد

 
في 10:28 م , Anonymous غير معرف يقول...

جميل

انا كنت بفكر ابعت لكساب ,,مش عشان يبطل بس على الاقل عشان يعرف انه مرفوض ومن الشباب اللى هو مقتنع ان الصفحة دى بتمثلهم
اتمنى يوصل مدونتك هنا ويقرى
او اى حد من الدستور
عشان هو بيعبر عن مجتمع (مش بتاعنا)مش عارفة بتاع مين بالضبط
واحدة واحدة احنا هنصدق الوهم دا,,المواضيع اصبحت عديمة القيمة

ولاء

 
في 3:37 ص , Anonymous غير معرف يقول...

بصراحة فعلا الصفحة دى بقت مبتذلة جدا واللى بتعيده بتزيده مفيش أبداع أنا أحيانا بتعجبنى حاجات بيكتبها خالد بس ساعت بتأفور منه أوى انما كل اللى بيكتبوا فى الصفحة تانى ميستهلش كلامهم الحبر اللى أطبع بيه

 
في 12:59 ص , Blogger yasser shams aldien يقول...

انت ولد اللى كنت بفكر فيه فعلا وانا بقرا ضربه شمس

 
في 4:56 م , Anonymous غير معرف يقول...

لو سمحتو يا شباب صفحة ضربة شمس اللي بتتكلمو عنها اللي في جريدة الدستور صفحة في منتهى الروعة وجميلة جداً لأنها بتعتبر عن حالات كتيير من الشباب اللي زينا ده بالعكس أنا بحس ساعات انهم بيقولوا الحاجات اللي انا نفسي أقولها ودمهم خفيف وبيحاولوا يطلعوا بينا من حالة الكآبة اللي كلنا فيها بطريقة ظريفة ومش أنا لوحدي اللي مبسوطة منها كده ده ناس كتير اوي أعرفهم بيواظبو عليها وعلى قرايتها هي وصفحة قلمين وصفحة رأي وباقي صفحات الجريدة

 
في 10:09 م , Anonymous غير معرف يقول...

هو ده الشعب المصرى يفضل يقرا الحاجة ويضحك عليها ويفضل يعملها وبعدين يقول عليها لا ومش لا وعيب الكلام ده ميصحش ..لا اصل وفصل ومش عارف ايه
وتانى يوم بردو يعمل الحاجة حتى لو ناوى اليوم اللى بعده ينتقدها

يعنى مثلا الصفحة اللى سيادتكو بتتكلمو عليها اراهن انكو انتو نفسكو بتضحكو لما تقروها وتحسو بعض مصطلحاتها وكلامها التلقائى العام قريب منكو وبتحسوا بتجديد وغرابة وانتو بتقرو
وتحسو انها لغة دارجة قريبة منكو وناس بتتكلم عنكو (فى بعض المواضيع)
وبعدين انا معاكو ان فى حاجات فعلا بتبقى متصحش تتقال ع جرنال والناس كده تقراها ع الملأ

عشان اى حاجة كده فى الدنيا دى فيها الحلو وفيها الوحش
بس مش نهاجم كده الحاجة ونقول لا ووحشة ونبص بس ع العناوين

هى صفحة اساسا للجنان وبتتكلم بتلقائيه مش عاديه اللهم الا بعض المواضيع فعلا بتبقى محتاجة تفكر فيها

وبعدين اللى مش عاجبه الصفحة ممكن بسهولة يقلب الصفحة (قصدى الصفحتين ماهو بقو اتنين عشان اللى بيحبها يستمتع اكتر)

بس ولا تزعلو نفسكو خالص

وسورى لو ازعكتكو

 
في 8:40 م , Anonymous مسب يقول...

بصراحة انا بحب الدستور جداااااا و كمان بموت فى ضربة شمس,دى صفحة اللى عايز يقول حاجة يقولها هو صحيح ساعات بتبقى مأفورة بس هى صفحة تعبر عنى وعن غيرى و كل حاجة فى ناس بتبقا معاها وناس ضدها ...عادى و يا جماعة كل واحد ومزاجه و الصراحة الصراحة دمهم خفيف جدا يرفه عننا المتاعب مش اليومية الثانياوية ومش يعنى دايما بتناقش حاجات و حشة او مش محترمة ....يا جماعة ضربة شمس صفحة الناس الرايقة المتفائلة االى عايشة دلوقت مش اكتر ولا اقل

 
في 6:54 م , Anonymous غير معرف يقول...

بليز يا جماعه بجد بلاش الهجوم الضاري علي صقحتين كويسين طحن في جريده بتعبر كتير عن اليي جوانا قي ظل كل ما انتوا عارفينه عن الصحافه القوميه العقيمه التي لاتخرج لنا الا الاكاذيب وكل ما هو مش مظبوط بجد وتحياتي الي خالد كساب وكل محرري الصفحه ولو الاسياذ كان عايز يشوف الاسفاف اقرا وشوف واسمع بجد اي حاجه تكون تبع الحكومه اوبمباركه الحكومه وفي النهايه اقول واحقاقا لكل حق انه زمن الرويبضه فلا تكونوا معاويل للهدم في ظل من يحاولون البناء بكل جهد وعطاء والسلام ليس ختام واقول بكل فخر الاحرار قادمون امضاء اليوسف

 
في 5:11 م , Anonymous wella1 يقول...

بالعكس تماما صفحة ضربة شمس صفحة جميلة جداوراائعة
لية يعنى محسسنى انو خالد كساب بيكتب عن الجنس والحاجات اللى قليلة الادب
بالعكس خالص بيكتب عن حاجات عادية جدا
واتحداك انتة نفسك او اى حد معارض الصفحة انو لما بيقراها بيضحك وبيحس انو الصفحة دى بتتكلم عننا

خالد كساب كاتب شاطر ومحترم كمان
ممكن اعرف فين قلة الادب فى اللى بيكتبوا
ياسيدى لو مش عجبة حضرتك اقلب الصفحة لانها عاجبة ملاين غيرك

مع تحياتى

 
في 12:10 ص , Anonymous غير معرف يقول...

اللى مش عجبه صفحة ضربة شمس ما يقرئهاش ويقلب الصفحة على طول ده راجل فاهم الشباب ومشاكلهم وبيتكلم بلغتهم

 
في 12:26 م , Anonymous غير معرف يقول...

بص لو مش عجباك ضربه شمس طظ فيك يعنى موقفتش عليك انت كفايه انها عاجبه ناس كتير

 
في 9:45 ص , Anonymous غير معرف يقول...

اللى مش فاهم كلام خالد ياريت ميتكلمش عنه

 
في 12:57 م , Anonymous غير معرف يقول...

كل الضربشمساويون زى ما بيسموا نفسهم بيدافعوا عن شخص مش على المواضيع اللى بيتكلم عنها ولا على المعلومات الثقافية العظيمة اللى بيفيد بيها الشباب على الرغم من انى انا وكل اللى مش عاجبهم ضربة شمس مش بنتكلم على اشخاص ولكن على مادة نشر .كفاية ان اللى بيدعوا الثقافة دول كل كلامهم باللغة العامية على الرغم من ان خالد بيقول انه بيعتز باللغة العربية الا ان كل كلامه بالعامية اللى هى اصلا لغة الغير مثقفين وانا متعمد اتكلم بيها طبعا علشان يفهموا .وانا كمان غير مثقف بس اكيد هم متفقين معايا ان ضربة شمس لا تصلح ان تكون مصدر لثقافة أى شاب.

 
في 7:10 ص , Anonymous غير معرف يقول...

اظن يا استاذ وليد بقت فى اراء تستحق تعلق عليها
واللى هى كل الاراء اللى عكس رايك انت والقله اللى قالوا زيك
علشان فعلا صفحتين ضربه شمس دول بجد هما الشباب
وزى ما قال كتير من الناس ان الواحد بيحس انه بيلاقى نفسه فيهم وبالنسبه للكلام عن البوس والشفايف فا احنا كدا عندنا 3 محزروات محدش بيقدر يتكلم فيهم الدين علشان ميتقالش ده اخوانى والسياسه علشان متروحش ورا الشمس والجنس علشان عيب وتبقى قليل الادب ؟؟؟؟؟؟؟؟؟
انا كل اللى هقوله لاى حد رافض ضربه شمس ان بجد دوووول اعداء النجاح ؟
وبعدين شايفين ده اسفاف ؟ طب ما توروانا انتوا عملتوا ايه ؟ وكل احترامى لخالد كساب وحنان الجوهرى ودعاء العدل وكل اللى بيكتبوا فى ضربه شمس

 
في 9:43 ص , Anonymous غير معرف يقول...

سيبك يا خالد من القلة المعادية للنجاح استمر واحنا كلنا معاك ووراك انا بحبك وبقيت ضربشمساوى من اول مالصفحة بتاعتك نزلت فى الدستور واعتقد ان معجبين ضربة شمس اكتر كتير من منتقدينها ربنا يوفقك يا رئيس جمهوريتنا الضربشمساوية

 
في 3:17 م , Anonymous غير معرف يقول...

انا بستنى ضربة شمس من الاسبوع للاسبوع ومن عشاق ضربة شمس وكل اللي بيكتبوا فيها لان بجد عندهم فكر مختلف وانا في كلية اعلام وبدرس صحافة وفاهمة كويس ايه اللي ممكن يتمنع وايه لا... في نوع من الصحافة اسمه صحافة ساخرة ودي بتناقش مشاكل الحياة باسلوب بسيط وفي ضربة شمس بيكونوا متخصصين في مشاكل الشباب وبيناقشوها باسلوبهم ولغتهم
وشكرا لخالد كساب وكل اللي بيكتبوا في ضربة شمس وانا بحب اوي بسنت صلاح والقصص القصيرة جدا جدا اللي بتكتبها

 
في 2:54 ص , Anonymous غير معرف يقول...

لا الدستور جريدة محترمة و مقالات ضربة شمس مفيهاش حاجة و بجد مفيدة جدا وبلاش الحقد ده سلااااام

 
في 3:00 ص , Anonymous غير معرف يقول...

انامتابعة الدستوروانل فى اعدادى وان شاء الله ناوية دلوقت ادخل اعلام وهكتب كمان فى الدستور وضربة شمس بجد كويسة بلااااش الحقد ده مليتو البلد

 
في 3:08 ص , Anonymous غير معرف يقول...

خلاص ولا يهمك يا خلود كل الضربشمساوين معاك يللا يازعيمنا هتعدى عايزين حملة جديدة وان شاء الله هننتصر

 
في 11:29 م , Blogger KHALED MAX يقول...

أنا أسمى / خالد بجد أنا بتمنى الموت فى كل دقيقة بتعدى من عمرى ؟؟؟

 

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية