عندك حق يا ريس الإخوان فعلا خطر على مصر

فى حوار خاص للمقدم مصطفى بكرى رئيس تحرير نقطة الأسبوع التى من المقرر تحويلها لقسم شرطة قريب بعد ما المقدم مصطفى ركب الطيارة وبقى أقرب للرئيس هو طول عمره قريب لكن هذه المرة وصل أكتر وأقرب من الرجل الكبير

المهم الريس قال كلام زى العسل

خير اللهم أجعله خير لو تيار الاخوان صعد للحكم هيحصل حاجات وحشة لمصر أه والله حاجات وحشة هى ايه بقى

أولا كثير من الناس سيهربون بأموالهم من مصر , سبحا ن حلق حوش على الاستثمارت , لم يا بنى الاستثمارات , حوش مليار هناك اهو واقع من مستثمر يا نهار ابيض على الكلام ده المليارت اللى بتتهرب خارج مصر زى نهر النيل ايشى رشاوى فى بنوك سويسرا وايشى سرقة بنوك زى النشرتى 2مليار وارمى لكح 700 مليون من بنك القاهرة فقط ومارك عادل دوارف حوالى 500 مليون من المصرى الخليجى يعنى اموال مصر بتتهرب بانتظام ده غير ان اى مستثمر اجنبى بيتجن فى عقله وبيجى مصر بيهرب منها بسبب امن الدولة والطوارئ والروتين والفساد والرشاوى وغيرها

يعنى هى خربانة والحمد لله

ثانيا البطالة ستتزايد , يا عينى على شبابك يا مصر مقطعين نفسهم شغل وكله تمام والاخوان اول ما هيمسكوا البطالة هتزيد امال الملايين من العاطلين دول مش بيشتغلوا ليه معندهمش وقت زى اللمبى ما قال ؟ يا عالم قولوا كلام يدخل النفوخ حتى الكلام المنطقى مستخسرينه فينا

البطالة عندنا وصلت ارقام قياسية وحتى اللى شغال بيشتغل شغل مش فاهم فيه حاجة ولا فى مجال دراسته ولا المقابل ينفع حتى يفتح بيه علبة سلمون مش يتجوز

ثالثا ستنعزل مصر عن العالم , وتبقى وحيدة فى ركن العالم محدش يبص لها يا حرام ولاحد يعطف عليها بكلمة حنية

ربنا يرحمنا بقى لانها فعلا خربانة

سلام مدلع لسيادة المقدم مصطفى بكرى