هل تعلم ؟
هل تعلم أن للأخوان 88 عضوا فى مجلس الشعب المصرى ؟
أه والله-
هل تعلم ان الشعب المصرى من اكثر الشعوب تسامحا ؟
طبعا عارف ومتأكد بأمارة ميدان مصطفى محمود ووالمسرحية و و و.....!! فعلا
هل تعلم ان المصريون متدينون بطبعهم ؟
أكيد بأمارة الزنا والخمور والسرقات والرشاوى والفساد والعرى وسب الدين ووووو
هل تعلم أن العلمانيين لا يتنقدون الا الاسلام ؟
اه دى عارفها بقى
هل تعلم أن للأخوان صحيفة تصدر أسبوعية وهى الأعلى توزيعا بين أقرانها ؟
يا نهار ابيض... لا دى معرفهاش... بيوزعها فين امال
هل تعلم ان المسجد الأزهر له فرعا فى القاهره ؟.
فرع ؟!! مش عارف والله بس لو فعلا كده كنا سمعنا صوت شيخ الازهر
هل تعلم أن فى مصر مسيحين يدخلون الاسلام ومسلمون يدخلون المسيحيه ؟
عالم فاضيه سيبك انت
هل تعلم أن الاخوان هم اقوى فصيل سياسى ( هما اللى بيقولوا ) ؟
اه بس عاملين زى الفلفل الحراق بيلسعوا بس
هل تعلم ان مصر بتشطب ؟
يعنى ايه
يعنى خلاص هتغير نشاط وتقفل المحل
لا بجد طيب ممكن تعملها سيبر
مرسلة بواسطة وليد @ ١٠:١٤ م
14 تعليقات
14 تعليقات:
I really don't know about this newspaper :), what is its name ?
افاق عربية
You are in accord with al-ekhwan much more than in disagreement with them!!! What's the 'criterion' of success in your point of view? Publicity? This does not mean they're the 'fittest' for rule!!?
بتشطب اه .. بس متهيألي يدونا حقنا زي الفيلم لما يشطبوا و يصفوا البلد .. ولا هيقعدونا فيها بنصيبنا ؟؟
و بلاش موضوع السايبر .. خليها سوبر ماركت .. الفا او مترو او سينسبري .. او ممكن مع شوية استثمارات تبقي مول حلو ..
تخيلوا مصر و هي مول بين الدول العربيه ؟؟
كتبت الكلمه و بعدين قلبي وجعني ..
حسبنا الله و نعم الوكيل.
يا عم علاء
انا عرفت اقرا التعليق الاول بالعافيه
انا مليش فى الانجلزيى
ترجم يا مولانا
nice post :)
شكر وليد على المعلومات
Momtaz.
والله بالرغم انى احب الليبراليين والليبراليه
بس فيه حاجه لازم نقولها احقاقا للحق
الاخوان بالرغم من بعض الحاجات التى تأخذ عليهم لكن هما اكبر واقوى واشرف معرضه فى مصر بلا منازع
واقولك الدليل على انهم فعلا اكبر معرضه
عارف ايه؟؟
شوف مظاهرات كفايه تلاقيهم يوم لما يكونوا كتير اوى ميجيش1000 بالكتير جدا
اما الاخوان فيكفى تليفون واحد علشان تلاقى 100000 واحد جاى يشترك
الاخوان يا جماعه تنظيم مميز صعب انه يتكرر تانى
لمعلوماتك فقط تم الحاق الازهر بقسم مكافحة الشيوعية فى المخابرات الامريكية
هل تعلم أن البوست ده 100 ميه
حلو أوي يا وليد البوست ده
هيه دماغ اللي بتطور واللا قلمك واللا هو الهم اللي غالب
تحياتي وليد:)
نشرت هذه التدوينه فى المصرى اليوم
فلهم الشكر
تمام قوى التدوينه دي
بتهألي جريدة الاخوان اسمها الاسرة العربية وقبل كدة كانت أفاق غربيه
سلام
وياريت تدخلوا البلوجز بتاعي
romil86.blogspot.com
سلام
إرسال تعليق
الاشتراك في تعليقات الرسالة [Atom]
<< الصفحة الرئيسية