مصر مصر
فتيات يتراقصن على طبول ووجههن ملونة بلون العلم
كنت هناك ساقتنى قدماى خارجا من معرض الكتاب فى اليوم الأخير
ومررت لجوارهن
يهتفون مصر مصر
تهتز اجسادهن
تهون العورة فداء لمصر
كانت تصرخ والأرض تسخن من أسفلها فاحتضنت طفلتها وقفزت فى الماء
لم تضع مولدها تحت قدميها لتهرب
مصر مصر
الحقونى ابنتى تتجمد من الماء
ارقص يا حضرى ارقص يا حضرى
العبارة تترقص والجماهير تتراقص
الماء يدخل رئة الوطن
والطفلة تتجمد بين يدى امها الغارقة
هى ايضا غارقة فخشبة ضعيفة لن تحتمل جسدها واسماك القرش قادمة
قاعدين ليه ما تقوموا تغرقوا
مصر مصر
الليل يخيم على الام وطفلتها الجثه
يديها تعبت من حمل جثة الطفلة
اربطيها فى جسدك واستسلمى للنوم فى الماء
هى اقسمت ان تدفن ابنتها على الارض او تغرق معها
ارقص يا حضرى
حرام كفاية حرام
مصر مصر
الامواج فى المدرجات تهتز معها نهود الفتيات
والامواج فى البحر تلعب باجساد الغارقين
والغارقات
مصر مصر
ارقص يا حضرى
يتفلت الجسد الصغير من الحبل ويخطفه الموج , تصرخ الأم من جديد ابنتى ابنتى
يا حرقة قلبك يا امى
يا لوعة فؤاد
كيا نهار اسود يا امى
يا رب يارب يارب
مصر مصر
الله حى الرابع جاى
الله حى فين النجده
الله حى خدنا الكاس
الله حى فين الناس
الجثث تطفوا بين الاحياء
اسمها لقاء طفلة فى عامها الثانى امها اسمها سح
رالبحر واسع غويط والسمك جعان واحنا ارخص اكل
مصر مصر
خرجت الأم شبه مجنونه تصرخ باسم ابنتها لقاء
حسنا هى دائما سخرية القدر منا بنى البشر
لقاء تموت فى البحر
ومصر تشاهد لاعبيها الذين يريدون زيادة النسبة على الاعلانات ويتفاوضون على المكافات
مصر مصر
ارقص يا حضرى
هل جربتم الغرق ؟
هل جربتم دخول الاستاد مع فتاة صاحبة جسد وطنى رائع ؟
هل جربتم فقد طفل فى عرض البحر؟
هل تخيلتم سكة القرش الجائعة وهى تتلذ بجسد طفلتكم
هل تخيلتم عظمها النئ وهو يجول ويوصل بين فكى القروش
انا تخيلت منة الله بنتى كذلك كدت افقد الوعى
بل قولوا اننى فقدته للحظات
النجدة الغوث الماء يتسرب لجسدنا والاسماك تحوطنا والليل يغشانا
ظلمات بعضها فوق بعض
اين مصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مصر كانت فى الاستاد ترقص وتغنى وتمرح
وابنائها الشقيانين
فى عرض البحر يتحضرون ليكونوا جبة عشاء لاسماك القرش الجائعة
تصبحون على خير
ونراكم فى المبارة النهائية
وارقص يا حضرى
راجع المصرى اليوم العدد603
مرسلة بواسطة وليد @ ١٢:٥٢ م
11 تعليقات
11 تعليقات:
وليد
فعلا تركيبة صعبة .. خطرت على بالي ساعة الماتش اللي فات
بس بصراحة صياغة بإحتراف
رحم الله الضحايا .. ضحايا الإهمال زي ضحايا بني سويف وقطار الصعيد غيرهم كتير
مش عارف أقولك ايه؟
انت اختزلت خوفنا وحزننا وصخبنا و انفعالاتنا العشوائية وازدواجيتنا السخيفة في هذا البوست الجميل
ايوة احنا كدة ..نلطم ونشق الثياب ولامانع من أخذ العزاء في الاستاد , دموعنا غزيرة وأصواتنا غليظة ونارنا سريعا ماتخمد ... نحيا في نهم وعربدة ولانخشى الحساب الا من صنم زعيم لكننا نقول أننا أكثر أهل الأرض تدينا فما أكثر مساجدناو مصاحفنا ... وملاعبنا أيضا
اللهم أرحم أمواتنا ... وأستر عيوبنا ... واغفر غفلتنا
ربنا يستر على مصر الايام اللى جايه دى
الناس مش لاقيه تاكل ودول بيلعبوا كوره
حد يورينى اى حاجه أتفائل
ليه قرايبنا دايماً همه اللي بيموتو
والناس التانيين الحلوين
اللي معاهم تمن تذاكر الدرجة الاولى
حلوين وملظلظين
انت قلت نفس كلامى واضح ننا كنا بنتفرج على البرنامج فى نفس الوقت انا لما سمعت قصة الست دى قلبى وقع اندش ستين حتة
تدوينة اكتر من رائعة ومزج محترف بين الاحداث
ياريت تزورنى قريب
وليد
مليش نفس أرد بجد
كلمه واحده .. بشعـــــــــــــــــه ..
يخربيتك يا وليد...والا بلاش.. يعمره أحسن
ويخللى منه..و أولادنا
خبر يتصدر شريط الأخبار:الرئيس مبارك يهنئ النادى الأهلى بفوزة بكأس الـ ما أعرفشى ايه"
إذا كان رب البيت بالدف ضاربا..فشيمة أهله الرقص
لا جامده
أن أكن قد كويت لحم بلادي
فمن الكي قد يأتي الشفاء
اذا كانت خربانه احنا شركاء فى الخراب فليس هناك ابلغ من كلام الله " فاستخف قومه فأطعوه ......>صدق الله العظيم ،، نحن شركاء الحاكم فى كل شىء فى الفساد ونحن أعناه على أن يكون طاغوت
إرسال تعليق
الاشتراك في تعليقات الرسالة [Atom]
<< الصفحة الرئيسية