هل تعلم ؟

هل تعلم أن للأخوان 88 عضوا فى مجلس الشعب المصرى ؟

أه والله-

هل تعلم ان الشعب المصرى من اكثر الشعوب تسامحا ؟

طبعا عارف ومتأكد بأمارة ميدان مصطفى محمود ووالمسرحية و و و.....!! فعلا

هل تعلم ان المصريون متدينون بطبعهم ؟

أكيد بأمارة الزنا والخمور والسرقات والرشاوى والفساد والعرى وسب الدين ووووو

هل تعلم أن العلمانيين لا يتنقدون الا الاسلام ؟

اه دى عارفها بقى

هل تعلم أن للأخوان صحيفة تصدر أسبوعية وهى الأعلى توزيعا بين أقرانها ؟

يا نهار ابيض... لا دى معرفهاش... بيوزعها فين امال

هل تعلم ان المسجد الأزهر له فرعا فى القاهره ؟.

فرع ؟!! مش عارف والله بس لو فعلا كده كنا سمعنا صوت شيخ الازهر

هل تعلم أن فى مصر مسيحين يدخلون الاسلام ومسلمون يدخلون المسيحيه ؟

عالم فاضيه سيبك انت

هل تعلم أن الاخوان هم اقوى فصيل سياسى ( هما اللى بيقولوا ) ؟

اه بس عاملين زى الفلفل الحراق بيلسعوا بس

هل تعلم ان مصر بتشطب ؟

يعنى ايه

يعنى خلاص هتغير نشاط وتقفل المحل

لا بجد طيب ممكن تعملها سيبر

كل عام واحنا بخير

هنقول إيه غير كده

لازم نتمنى الخير

لازم نطلبه

أيوه متبهدلين فى العراق ومبهدلين برضه عدونا هناك

لكن لازم نقول السنه الجايه العراق هيبقى بخير

وفلسطين بخير

ومصر بخير

مصر بخير ولاجئيها بخير ومسيحيها بخير من غير مسرحيات ولا فتنه

عيد أضحى سعيد على درفوار وعلى كل جائع

يارب العيد القادم تبقى كل الدنيا بخير

وتكون مصر هربانه بعيد عن كل ظالم